الفيلا الصغيرة دار خاصة، مش فندق. ما في استقبال، ما في ناس تانيين، وما في عجقة. بس إنت/ي.، مكان هادي ترتاح/ي فيه، بعيد عشر دقايق بس من مطار الملكة علياء. الناس بيجوا لهون لأسباب مختلفة, ترانزيت طويل، طيارة بكير، أو بس بدهم ياخدوا نفس قبل ما يبلشوا مغامراتهم. شو ما كانت القصة، المكان هادي (يمكن تسمع طيارة تمر كل فترة والتانية). بتدخل/ي لحالك، وبتريح/ي لحالك. ما في مكاتب استقبال، ولا صوت ممرات. بس السما، وكام شجرة، ومكان تنزل/ي فيه بهدوء. البيت دوبلكس، فيه غرفتين، وصالة، وإنترنت سريع، وكل الأساسيات لليلتين أو حتى ليلة وحدة. مش رفاهية فنادق، بس أغلب الضيوف بحكوا إنهم ارتاحوا هون أكتر من أي مكان تاني. واحد منهم كتب: "كان ممكن بسهولة أضل هون أسبوعين." وحدة كمان حكت: "الفيلا جميلة وخاصة جداً. الأطفال انبسطوا بالمكان الخارجي، وصاحب البيت كان طيب ومتعاون ودائماً جاهز لأي شي نحتاجه." أنا بحاول أخلي الأمور بسيطة. إذا احتجت/ي أي شي، أنا دايمًا قريب، لا نماذج ولا تطبيقات، بس ابعتلي/ابعتيلي رسالة وبكون موجود.

سلام! صحابي بسموني الصرفندي، مقيم بعمان وحالياً شغفي الجديد هو إني اصنع مساحات مريحة وبتعطي مجال للذكريات. لما ما أكون عم بشتغل على آيروبويرتا، بكون شغال على مشاريع إبداعية وبقود برامج بمنظمة غير حكومية بالعاصمة عمان. بحاول دايماً أمزج بين الراحة والعملية في كل مكان، عشان أضمن إنه ضيوفي يقضوا إقامة سلسة ومريحة. لا تترددوا تتواصلوا معي بأي وقت خلال زيارتكم، أنا دايماً موجود للمساعدة بأي شي <3

"القسطل"، الحي اللي موجودة فيه أيروبيورتا، هو منطقة مهمة للمسافرين اللي بيدوروا على مكان قريب من عمان وأهم المعالم الأردنية. الفيلا الصغيرة بتبعد 10 دقايق بالسيارة عن مطار الملكة علياء الدولي، الحي مهم للمسافرين الترانزيت أو اللي بدهم يوصلوا رحلتهم القادمة بسهولة. اللي حابين يستأجروا سيارة، بداية رحلتك بالأردن راح تكون سهلة، مكتب. تأجير السيارات "أفيس" قريب جداً من الفيلا، بعيد عنها دقيقتين بالسيارة فقط. وللمهتمين بالتاريخ، محطة القطار القديمة بالجيزة، جزء من سكة الحجاز التاريخية، بتبعد حوالي 5-7 دقايق بالسيارة. هذا المكان المميز بيعطيك لمحة عن تاريخ الأردن. أما مادبا، اللي بتشتهر بالفسيفساء البيزنطية وكنيسة القديس جورج وجبل نيبو المشهور، فهي على بعد 20 دقيقة بالسيارة، في حين البحر الميت وموقع المعمودية على بعد 30-35 دقيقة بالسيارة، بيكونوا خيار مثالي لرحلة يومية للاسترخاء أو استكشاف الثقافة. وسط عمان (أو وسط البلد)، اللي مليان بالأسواق، المطاعم، والمعالم التاريخية زي المدرج الروماني وقلعة عمان، بيبعد حوالي 30-40 دقيقة بالسيارة، وبيعطيك التوازن المثالي بين الوصول السريع للمدينة والرجوع للراحة والهدوء. إذا كنت ناوي تستكشف تاريخ وثقافة الأردن، موقع الفيلا بيخليك قريب من جميع الوجهات الرئيسية. سواء كنتم متجهين للبحر الميت، مادبا، أو عندكم نية تزوروا المعالم التاريخية القريبة، أيروبيورتا نقطة الانطلاق للمغامرة القادمة.